Maraming salamat po sa inyong patuloy na pananalangin sa amin!

Umaasa kami sa kagandahang-loob ng Dios na tutulungan Niya kami na maipahayag sa mga tao ang Kanyang Salita. Samahan n’yo po kami sa pananalangin para sa Bansang Pilipinas!

Ito ang tamang panahon para hilingin natin sa Dios na gabayan Niya tayo para sa magandang kinabukasan ng ating bansa. Hindi natin alam kung ano ang mangyayari sa hinaharap, kaya kailangan natin ang tulong at gabay ng Dios upang mapagtagumpayan natin ang mga haharapin nating pagsubok bilang isang bansa. Kailangan natin ang gabay ng Salita ng Dios nang sa gayon, mapuno tayo ng pag-asa at magkaroon ng kaayusan sa ating minamahal na bansa.

Samahan po ninyo kaming idalangin ang mga sumusunod:

  • Pinupuri at pinasasalamatan namin ang Diyos sa pagbisita ng ODB Asia Pacific leaders dito sa ODBM Pilipinas. Isang malaking pagpapala ang pagbisita nina Senior Vice President Netty Susanto, Regional Supervisor Terry Shearer, ODBM Philippines Board Chairman Tan Meng Poo, at ang retiradong Regional Supervisor Koh Chong-Hai. 
  • Pinupuri at pinasasalamatan namin ang Diyos sa bagong Van na aming magagamit sa Book table at iba pang gawain ng ODB. Pinupuri namin ang Diyos sa mga bansang tumulong at nagkaloob nito.
  • Pinupuri at pinasasalamatan namin ang Diyos dahil amin na pong kumpletong nabayaran ang buwis sa paglilipat ng pagmamay-ari ng ODB sa loob ng maraming taong lumipas.
  • Pinupuri at pinasasalamatan namin ang Diyos sa natapos na gawain para sa mga Estudyante ng Taytay United Methodist Christian School at sa Luwalhati ng Maynila Home for the Aged. Bahagi ito ng aming programa na Bible Engagement.
  • Pinupuri at pinasasalamatan namin ang Diyos sa pagkakataon na maging bahagi ang ODBM Pilipinas sa Call2All Conference na pinangunahan ng Philippine Council of Evangelical Churches (PCEC) at Christ’s Commission Fellowship (CCF).
  • Pakisama po sa inyong dalangin na maging maganda ang sales ng ODB sa natitira pang buwan sa taong ito.
  • Pakisama po sa inyong dalangin ang aming Finance Team sa kanilang pagsasaayos ng mga kakailanganin sa buong panahon ng taunang financial audit.
  • Pakisama po sa inyong dalangin ang maayos na kalusugan, proteksyon at pag-iingat ng Diyos para sa lahat ng ODB Pilipinas staff at maging ang kanilang pamilya.